حماقات ارتكبتها

دا طبعا مش عنواني دا عنوان لاحد فصول كتاب ديل كارنيجي "دع القلق وابدأ الحياة"

الحقيقة الفصل دا كان ممتع جدا بيحكي فيه كارنيجي(1888-1955) عن ان كل واحد فينا بيرتكب حماقات واشياء ساذجة جدا لكن المشكلة مش الحماقات دي المشكلة رد فعلك تجاهها

يعني مثلا كارنيجي(فكروني احكي لكم عنه بعدين) بيحكي انه عنده مذكرة صغيرة كاتب عليها "حماقت ارتكبتها" كان بيكتب فيها كل الحاجات الغبية الي هو اتعلمها وبيحكي عن واحد مشهور كان كل يوم سبت بيقعد يراجع كل الي عمله طول الاسبوع ايه الحاجات الكويسة وايه الاخطاء وايه الاشياء الي محتاج يتحسن فيها والرجل دا ف الاول كان بيقول انه كان متضايق جدا من كم الاخطاء الي هو بيعملها لكنه لاحظ انه كل فترة بتحسن عن الاول ,وطبعا الرجل دا بيحكي الحكاية دي بعد حوالي عشرين سنة من الخبرة لانه بعد كده اصبح عضو مجلس شيوخ ورجل اعمال ف امريكا

من القصص الجميلة برضة حكايتين لروزفلت
الاولى انه لما كان ف بداية حياته برضه قعد مع نفسه يعد اخطاءه ومشاكله الي مش مخلياه ينطلق ف الحياة وينجح فوجدهم حوالى 13 خطأ فبدا يا خد حوالي اسبوعين لكل خطا يصلح فيه من نفسة
التانية انه كان ف صغره بيلعب بصفارة ف شوية عيال خدوها منه فقعد يعيط عليها المهم فقعد يفتكر ف الحكاية دي كل شوية ويفتكر معاناته وانه مظلوم وووو ,لكنه بيقول بعد كده انه عرف قد ايه ممكن تسبب له الصفارة الي راحت من زمان ف مشاكل كل ميفتكرها وعرف ان فيه كتير من الناس بتنيها شايله الصفارة دي ف دماغه وتقعد كل شوية تعيط عليها وتفكر ف ظلم الناس لها وتتمنى انها تنتقم للصفارة دي ,لكن روزفلت ادرك كم ستكلفه هذه الحماقة فتوقف عنها

لما قريت الفصل دا قعدت اضحك جدا لاني كنت بعتبر نفسي الاحمق رقم واحد ف العالم لكن طلعت بشوية حاجات
اولا ان اكتر المشكلات الي انت بتعتقد انها اكتر خصوصية وسرية دي بتعتبر اكتر المشكلات انتشارا بين الناس
ثانيا كلنا يرتكب الحماقات لكن من يتعلم من حماقاته ويدركها ينجح ولايكرر حماقاته كثيراا
ثالثا لابد ان تكتب مشاكلك وحماقاتك واخطاءك الغبية وعندما يدركها عقلك سيبدا ف تغييرها للاحسن وتعلم الصفات التي تريد تغييرها ف نفسك من الاشخاص الناجحين
رابعا انا بجد لما طبقت الحاجات دي لقيت عندي مشاكل كتيره ولسه فيه طبعا لكن كل مبلاقي مشكلة بكتبها وبعدين بشوف عايز اغيرها باي صفة تانية وبعدين اشوف الناس الي متميزين ف الصفة دي وابتدى الاحظهم واعرف ازاي بيتصرفوا وبعدين ااقلدهم وصدقوني فرقت جدا معايه


نقطة عمل
ف اجندتك الخاصة كل يوم او اسبوع اكتب قايمة باهم المشاكل الي بتواجهك وفكر ازاي حياتك هتتحسن للاحسن لما تحلها واكتب ازاي هتبدا ف حلها ومين هم افضل الاشخاص الي تعتقد انهم عندهم الصفات الي انت عايزها وابدا ف ملاحظتهم وتقليدهم

جربوا واحكوا لى الفرق

هجرب ان شاء الله

بس انا متاكده الى انا مش هستمر كالعادة
زى مبقول انى هعمل جدول اسبوعى للمذاكرة اعمله وبعد كده ممشيش عليه وبعد كده معملهوش تانى

بس ان شاء الله هعمله و ادعولى انى استمر عشان اعدل اخطائى
ياريت يا جماعة الناس تشارك فى التوبيك ده عشان نشجع بعضنا ونعرف النتائج

موضوع جميل كالعادة

davinci كتب:

دا طبعا مش عنواني دا عنوان لاحد فصول كتاب ديل كارنيجي "دع القلق وابدأ الحياة"


اولا ان اكتر المشكلات الي انت بتعتقد انها اكتر خصوصية وسرية دي بتعتبر اكتر المشكلات انتشارا بين الناس
ثانيا كلنا يرتكب الحماقات لكن من يتعلم من حماقاته ويدركها ينجح ولايكرر حماقاته كثيراا
ث

جربوا واحكوا لى الفرق

معلومتين صح جداجداجداجدا و انا مجرباهم
توبيك جميل يا دكتورالموضوع فعلا كان فى دماغى و هبداو ان شاء الله.

ان شاء الله هبدا زيك يارنا يلا هنشجع بعض اهو يا ستى

توبيك مفيد جدا خاصه انى لسه امبارح اكتشفت حماقه كبيرة جدا فيا وبحاول زى محضرتك كتبت يا داحمد انى اشوف ناس متميزة تقدر تساعدنى

rony
و
sara

ديل كارنيجي ف الفصل دا بيحكي عن بنت قريبته لسة شباب كانت ساعات بتعمل حاجات غبية فهو كان بيتخنق منها لكن لما شاف نفسه غير نظرته ليها وعرف انها بكره تتعلم احسن منه لانه لما كان ف نفس سنها مكنش احمق كده زيها


بجد نصيحة مني
الحياة لسه قدامكوا كتير فيها
الحياة حلوة