عندما تتحرر من قيودك..العادات السبع للاشخاص المؤثرين

السلام عليكم

باختصار كتاب العادات السبع لستيفن كوفي"فكروني احكي لكم عنه بعدين" من اجمد واقوى الكتب الي قريتها ف حياتي طبعا انا مفهمتش الكتاب دا الا لما بعد لما واحد شرحه لى

كنت عايز اعمله معاكم ورشة عمل ف النقابة بس شكلى كده مش هلحق

فقلت اقراه معاكم ونستفيد مع بعض

ايه بقى حكاية الكتاب دا

اسبيكم مع مقدمة الكتاب واكمل بعدين

المقدمة... وجها النجاح:

كان هناك مزارع عنده وزة. و ذات صباح ذهب لتفقدها فوجد بجوارها بيضة من ذهب... أخذ البيضة لبيته وهو لايكاد يصدق عينيه ,,, وبعد فحصها والتأكد أنها من الذهب الخالص صار في خلال مدة قصيرة من كبار الاثرياء ...
يوظف الكاتب القصة توظيفاً معاصراً فيقول: ان الكثرين منا يسلكون طريقة ا لمزارع الاحمق فيسعون الى لحصول على نتائج سريعة (البيض الذهبي) على حساب النجاح المستمر المستقر الذي يأتي على المدى الطويل (الوزة) ...

فنحن نفضل القيام بالعمل بشكل صحيح ... عوضاً عن القيام بالعمل الصحيح ...

من عادة الناجحين أنهم يقومون بالأمور التي لايحب المخفقون القيام بها، وهذا لايعني بالضرورة أن الناجحين يحبون دوماً كل مايفعلونه ... لكنهم يجعلون مشاعرهم تابعة لقوة إرادتهم فالعمل المفيد يجب انجازة سواء كانوا يحبونه أم لا...
العادات:
تتكون في نظر الكاتب من ثلاث عناصر:
المعرفة... المهارات... الموقف (الشعورتجاه أمر ما)
وبما أن هذه العناصر الثلاثة ليست وراثية بل يمكن اكتسابها وتعلمها فهي تكل الطبيعة الثانية للإنسان فـ (نحن) شيء و(عاداتنا) شيء آخر ... وهي أمر نملك تغييره فالعادات الايجابية يمكن التحلي بها والعادات السلبية يمكن التخلي عنها ...

العادات السبع لكبار الناجحين مترابطة مع بعضها البعض ... العادات الثلاث الاولى مرتبطة بالشخصية وتحقق الاستقلالية ... والاعتماد على النفس، والعادات الثلاث التي تليها هي التعبير الخارجي عن الشخصية... وتوصل صاحبها الى تحقيق المنفعة المشتركة... والعادة الاخيرة تساعد على مواصلة التقدم والنمو...

...................
يعني تلات عادات بتبنيك
وتلات عادات للتكامل مع الناس والتفاعل معهم
وعادة للنمو والتجدد
............

العادة الاولى

من اجمل واقوى الحاجات الي اتاثرت بيها

:::::::::::::::كن مبادرا:::::::::::::::::::::::::::::::::::::::::::::::::::::::


تحمل مسؤولية أعمالك ومواقفك.
نمي القدرة على اختيار ردود أفعالك، واجعلها ثمرة للقيم التي تحملها، وطرق ذلك:
1. كن هادياً لا قاضياً.
2. مثالاً يحتذي لا ناقداً.
3. مبرمجاً لا برنامجاً.
4. حافظ على لوعود ولاتختلق الأعذار.
5. ركز على الدائرة الضيقة للتأثير الممكن، وابتعد عن الدائرة الواسعة للأمور التي تهمك ولا سيطرة لك عليها.

التطبيق:
أ‌- حاول لمدة شهر العمل في دائرة التأثير في حدود إمكانياتك.
ب‌- كن جزء من الحل لا جزء من المشكلة.
ت‌- تذكر موقف حدث لك في الماضي وكيف تعاملت مع هذا الموقف.
ث‌- انتبه لأسلوبك في الكلام فإن كنت تستعمل عبارات انفعالية ابدأ باستعمال أسلوب أكثر مبادرة وايجابية.
ج‌- حدد ما يقع في دائرة امكاناتك وركز جهودك عليه ولاحظ نتيجة عملك.

ف حياة كل واحد مننا دايرتين واحدة كبيرة قوي وواسعه ..واسمها دايرة الاهتمام
وواحدة صغيرة جداا ف نصها ..واسمها دايرة التاثير

الناس الفعاله بتهتم بدايرة التاثير وتكبرها وتشتغل فبها
الناس المنفعلة بتهتم بدايرة الاهتمام وعشان كده عمرهم مبيكبروا ف حياتهم الشخصية او المهنيو

اول تمرين معانا على العادة الاولي
حدد ايه هي دايرة اهتمامك
وايه هي دايرة تاثيرك الي هتهتم بيها بعد كده


التمرين التاني
كمل بقية التمرينا الي فوق

بعد اكمالك لهذه التمارين ستكون فهمت جيدا العادة الاولى..Be Proactiveكن مبادرا

مش هكمل طبعا الا لما اسمع منكم ردودكم

كلام حضرتك دايما مقنع و ممتاز جداجدا بس عاوزه اقول لحضرتك الكلام سهل و الفعل فعلا صعب انا مثلا بجد حاولت انى احضر مع حضرتك الدورات الى عملتها و مافيش وقت انى فعلا اطبق اى حاجه من دى بس بصراحه نفسى دماغى و تفكيرى يكون زي حضرتك بس واضح انه فعلا محتاجه وقت طويل جدا جدا و تفكير فى اولويات زى الدراسه مثلا.هحاول اطبق بجد التمرين ده بس لما ابقى اقابل ناس اساسا.

مش عرفه ليه انا حسه بصعوبه بالرغم من ان اسلوب الكلام سهل..... بس انا شايفه ان الكلام ده اكبر من تنفيذى له
يا ريت تعمل للموضوع ده ورشه عمل بعد تظبيط مواعيد النقابه عشان انا محتاجه افهمه كويس

rasha كتب:

.هحاول اطبق بجد التمرين ده بس لما ابقى اقابل ناس اساسا.

إمممممممممممم ................

فعلا ..............

المريخ مش مكان مناسب لتطبيق دورات التنمية ...........

إحنا ممكن نعذرك فعلا .......

اقتباس :

ركز على الدائرة الضيقة للتأثير الممكن، وابتعد عن الدائرة الواسعة للأمور التي تهمك ولا سيطرة لك عليها.

طيب يعني أفهم من كدا مثلا يعني .......

إن الدائرة الصغيرة دي هي إصحابي و عيلتي و زمايلي في الشغل ............

و الكبيرة مثلا هي الدولة أو المجتمع ...........

طيب هنمسك في الصغيرة إللي أقدر أثر عليها ...........

طيب دايرة تأثيري بقي ........... إزاي بتتداخل مع داير الاهتمام الصغري ........؟؟؟

يعني أقدر أدي تأثير إزاي بإستخدام دايرة إمكانياتي علي دايرة إهتمامي الصغري ؟؟

بجد يا غلاب الحمد لله انك مقدر و بعدين لما الناس تبقى تطلع لى ابقى اطبق التمرين ده ابعت لى شويه لو سمحت.

ده انت فايق جدا.(انا قصدى مش بخرج بقالى مده)

جميل الموضوع وعر رائع للكتاب مل يا سكران
وانا في انتظار تكمله الموضوع

موضوع كويس يا احمد
الاول وصلت السلام لمصطفى اخوك لاو لا؟؟؟؟؟؟؟؟؟؟؟؟؟؟؟
ثانيا : بالنسبة لموضوع الناس النفعالية انا ليا مواقف كدا بهتم بدايرة لاهتمام وكتير انفعالاتى بتتحكم فيا وفى تصرفاتى ازاى احكم كل دا وافكر بهدوووووء؟؟؟؟؟؟؟؟؟؟؟؟؟؟؟؟؟؟؟؟؟
ياريت تكمل لموضوع دا واكيد هنتمرن وفى انتظار البقية........
باى لانى نازل اصلى

rasha كتب:

بجد يا غلاب الحمد لله انك مقدر و بعدين لما الناس تبقى تطلع لى ابقى اطبق التمرين ده ابعت لى شويه لو سمحت.

ده انت فايق جدا.(انا قصدى مش بخرج بقالى مده)

و إيه ميخلنيش فايق يعني ؟؟

الحياة حلوة و الشمس ساطعة




و كمان بخرج من البيت كل يوم و بقابل ناس بالهيل .............




بالنسبة لموضوع إبعتلي ناس دا .................

فأنا محتاج فرصة ألاقي متطوعين

اولا شكرااااااااااا لكل الي ساهم معانا رشا وغلاب وميدو ويوسف

ا
ثانيا انا كنت زيكم كده مش فاهم اهمية العادات السبع لغايه لما قريتها كويس وحضرت محاضراتها وسمعتها كلها من ستيفن كوفي
انا عايز انقلكم الاحساس دا ويارب ااقدر ومش هقدر ادخل على العادة التانية الا لما نظبط الاولي تماما

معايه بقي خطوة خطوة

كل واحد فينا ليه دايره كبيرة قوي تحيطه ف كل حياته ودي سماها-ستيفن كوفي-دايرة الاهتمام مثلا انا مهتم بمصر والعالم العربي والكورة والاهلى وفلسطين وامريكا وولاد عمي واصحابي دي الداية الي ملناش تاثير فيها يعني مثلا انت مهتم بفلسطين وبعدين؟؟ هتحارب
لا
وكذلك اهتمامك بابن عمك مثلا لو قلتله على حاجه نفسك يعملها عشان يبقى كويس هيسمع كلامك
لا
وقس على ذلك

طيب فهمنا اول دايرة ممكن بقي تكتب لي اهتماماتك

عظيم

جوه الدايرة دي فيه دايرة صغيرة جدا جدا جدا اسمها دايرة التاثير كل واحد فينا ليه حاجات قليله جدا ممكن يغير بيها العالم
مثلا الدكتور:الطب المهندس :الهندسة..
الاب ابنه
انت ممكن تغير نفسك

افصل شوية

مثلا نجيب ساويرس عنده دايرة اهتمام على سبيل المثال:بيحب مصر ,بيحب الفن,بيحب الثقافة
وعنده دايرة تاثير كانت صغيرة:البيزنس بتاعه

تخيل معايه ساويرس لو كان بيزنسمان فاشل
كانوا هيختاروه عضو ف المجلس القومي للترجمة
او يرعى مهرجان القاهرة السينمائي
او يختاروه شخصية العام

طيب ايه بقى سبب انه عمل دا كله

هي دي اساس العادة الاولي للاشخاص الاكثر فاعلية

كن مبادرا...مهتما بدائرة تاثيرك وليس دائرة اهتمامك

اهتم بشغلك مش تقعد تشتم ف المدير
اهتم بالدعاء للمسلمين مش على امريكا
اهتم بالي تقدر تاثر فيه

"عندما تكبر دائرة تاثيرك تزداد اهميتك"احفظها كويس

يلا من تاني اكتبوا لي دايرة تاثيركم واهتمامكم
وامثلة على اشخاص اهتمت بدايرة تاثيرها فنجحت
واراهنكم لو عرفتم اشخاص اهتمت بداية اهتمامها ونجحت

ف انتظاركم عشان ندخل العادة التانية

ف انتظار رشا وميدو خصوصا

اتمنى ان اكون فهمت كلام حضرتك كويس لو فى غلط حضرتك ابق فهمهولى

دائرة التاثير عندى ه الطب ان اكون دكتوره شاطره و بحاول بجد فيها ....و ان اتعلم من ناس كتير حواليه ازاى اتصرف احسن فى مواقف صعبه

دائرة الاهتمام هى انى نفسى اصلح وضع الناس بس بجد مش عارفه بس لقيت ان فى اهتمامات بناس و سايبين ناس تانيه ف احتياج اكتر للخدمات دى ممكن اهتمامى بالطب فى مصر و امتى هيتصلح بس طبعا صعب جدا هى امنيه نفسى تتحقق

كلامك مظبوط ميه ف الميه

اما بالنسبة للناس الغلابة المحتاجين الرعاية الصحية ف هفكرك ب محمد غنيم دكتور الكلى ف المنصورة الي عمل مركز الكلى الاول ف مصر تخيلي مثلا لو كان قعد يقول الناس بتموت لازم نعمل حاجة وقعد يتكلم وخلاص
كان ممكن يغير حاجة

طيب هو عمل ايه
اولا اهتم بشغله واداءه ف العمل لحد مبقي راجل عالمي
ثانيا دعى الناس انهم يشاركوه ف عمل المركز الي ظبطه


قصة تانية للدكتور فنكاتا سواميvivinkada swamiالي انا كتبت قصته ف العدد الاول راجعى القصة وقولي لي ايه رايك فيها
ولاحظي دايرة تاثير فنكاتا سوامي

معلش يا دكتور حضرتك قصدك العدد الاول فى مجلة النقابه و لا اول توبيك حضرتك نزلته

العدد الاول ف المجلة

حضرتك فى العدد اتكلمت غن فريد سميث طبعا واضح ان اصراره كان جامد جدا انه يقدر يحول حلم لحقيقه والخساره الى يستحملها علشان يحقق حلمهبس قدر فى النهايه يحققه و يفيد العالم بحلمه.