ستات دي بونو

السلام عليكم

اولا دول مش ستات بحقيقي دي تلات استراتيجيات عملها واحد اسمه ادوارد دي بونو "هحكيلكم عنه بعدين"
وكل استراتيجية منهم فيها ست خطوات

اولا القبعات الست....للتفكير
ثانيا الاحذية الست...للعمل
ثالثا الميداليات الست...للقيم

هنتكلم النهاردة عن القبعات الست six hatsواكلمكم ف الباقي لما اسمع ردودكم


الحكاية وما فيها اننا لما نيجي نفكر او ناخد قرار غالبا مش بنغطي كل الاحتمالات او مش كل الاتجاهات وعشان كده ممكن غالبا القرار ميطلعش كويس
دي بونو بقى قال ياجماعة عشان نفكر صح لازم نلبس ست قبعات "او ست طرابيش مش مهم التسميات"

ليه ياعم دي بونو
فقالنا شوف ياسيدي

التفكير المحايد ( يرتدي القبعة البيضاء )
 يجيب إجابات مباشرة و محددة على الأسئلة .
 ينصت جيدا , متجرد من العواطف .
 يهتم بالوقائع و الأرقام و الإحصاءات .
 يمثل دور الكمبيوتر في إعطاء المعلومات أو تلقيها .

* التفكير السلبي ( يرتدي القبعة السوداء)
 التشاؤم و عدم التفاؤل باحتمالات النجاح
 دائم ينتقد الأداء ويركز على العوائق و التجارب الفاشلة و يكون أسيرها .
 يستعمل المنطق الصحيح و أحيانا الغير صحيح في انتقاداته .

* التفكير الإيجابي ( يرتدي القبعة الصفراء )
 متفائل و إيجابي و مستعد للتجريب .
 يركز على احتمالات النجاح و يقلل احتمالات الفشل .
 لا يستعمل المشاعر و الانفعالات بوضوح بل يستعمل المنطق بصوره إيجابية
 يهتم بالفرص المتاحة و يحرص على استغلالها .

* التفكير العاطفي ( يرتدي القبعة الحمراء )
 دائما يظهر أحاسيسه و انفعالاته بسبب و بدون سبب .
 يهتم بالمشاعر حتى لو لم تدعم بالحقائق و المعلومات .
 يميل للجانب العاطفي و آرائه و تفكيره تكون على أساس عاطفي وليس منطقي .
 قد لا يدري من يرتدي القبعة الحمراء انه يرتديها , لطغيان ميله العاطفي .

* التفكير المنضم والقيادي ( يرتدي القبعة الزرقاء )
 يبرمج و يرتب خطواته بشكل دقيق .
 يتميز بالمسئولية و الإدارة في أغلب الأمور .
 يتقبل جميع الآراء و يحللها ثم يقتنع بها .
 يستطيع أن يرى قبعات الآخرين ويحترمهم و يميزهم .

* التفكير الإبداعي ( يرتدي القبعة الخضراء )
 يحرص على كل جديد من أفكار و تجارب و مفاهيم .
 مستعد للتحمل المخاطر و النتائج المترتبة .
 دائما يسعى للتطوير و العمل على التغيير .
 يستعمل و سائل و عبارات إبداعيه مثل ماذا لو , هل , كيف , ربما.
 يعطي من الوقت و الجهد للبحث عن الأفكار و البدائل الجديدة .

يعني ايه بقي يا شباب

باختصار
لما تعوز تاخد قرار
ممكن تلبس الست قبعات دول ورا بعض
ازاي
اولا تلبس القبعة الزرقا ودي قبعة القائد الي بيوزن الامور ويفكر كويس
وبعدين تلبس البيضاء ..تفكر ف كل الحقائق بدون مبالغه
وبعدين السوداء..كل الجوانب السلبية ..وللاسف من خلال تربيتنا على طول لابسينها ومش بناخد بالنا من القبعات التانية ..بجد لما طبقت وجهات النظر المختلفة دي ..او يعني القبعات الخمسة لقيت القرار بتاعي ممكن يطلع احسن كتير
وبعدين تلبس القبعة الصفراء وتشوف الجوانب الايجابية ف القرار او المشكلة
وبعدين ترتدي الخضراء ودي بتختص بالمستقبل يعني لو هتاخد القرار بالشكل الفلاني هياثر على مستقبلك الزاي
واخيرا قبعة المشاعر والعواطف ..الحمراء..انت القرار دا هياثر فيك ازاي وهياثر ف الناس الي حواليك ازاي من جهة المشاعر



هكمل الستتين الي بعد كده لما اسمع تعليقاتكم

ياريت لو كان عندك مشكلة لو قرار عايز تاخده قولنا ازاي ممكن القبعات الست تساعدك

بصراحه كده .. الست قبعات بتوع التفكير كويسين اوى للكل و انشاء الله همشى بيهم كلهم و مش هسيب القبعه السوداء لوحدها تانى
و مستنيه الستتين الباقين

(( أدوارد دوبونو )) علي فكرة من الناس إللي كتبهم ممتعة جدا
و سهل علي الجميع فهمها ..............

أنا عندي كتاب ليه عن التفكير الجانبي ..................

هو يمكن الكتاب الوحيد من هذه النوعية من الكتب إللي شدني ليه و خلصته للأخر .........

د. أحمد

مش عارف أشكرك علي مواضيعك دي بجد ............

بصراحة أنا إنضميت للجنة أساسا ...............

علشان يوم جيت كدا صدفة كنت معدي علي القبلاوي في النقابة و كنت إنت هناك

و سمعتك بتتكلم كدا صدفة ............

يوميها قررت إن لجنة فيها ناس زيك و زي يحي هي كيان جدير بالإنضمام إليه ..............

keep on

اقتباس :

الست قبعات بتوع التفكير كويسين اوى للكل و انشاء الله همشى بيهم كلهم و مش هسيب القبعه السوداء لوحدها تانى
و مستنيه الستتين الباقين

انشاء الله قريب جدا

اقتباس :

أنا عندي كتاب ليه عن التفكير الجانبي ..................

الكتاب دا رائع جدا
فكرني احي لك عن دي بونو

ياريت لو تعرف تحط لنا الامثلة الي ف الكتاب دي هنا تبقي مشكور

طيب سؤال

فيه ترتيب مقترح للبس القبعات ؟؟؟

ولا الترتيب إللى كاتبه فوق ده عشوائى ؟

اقتباس :

فيه ترتيب مقترح للبس القبعات ؟؟؟

ولا الترتيب إللى كاتبه فوق ده عشوائى ؟

ايوه الترتيب بيكون براحتك
وممكن كمان متلبسش كل القبعات لاتخاذ القرارات
بس الترتيب العادي هو انك بتلبس الزرقاء وبعدها البيضاء وبعدين السوداء وبعدين الصفراء (رمز الايجابية)وبعدين الخضراء (النمو)وبعدين الحمراء

هو أنا كنت قاري الكتاب من 3 سنين فمش فاكر إلا حاجات خفيفة ..........

زي مثلا :

بنت حلوة ........أبوها التاجر (( الطيب )) إستدان من تاجر تاني حقير ...........

و طبعا كالعادة فلس الراجل و جه الوغد التاني يطلب فلوسه ........و إتفق مع ابوها

إنه يسيب الفلوس قصاد إنه يتجوز بنته .

و بما إنه وغد طيب القلب .....................إتفق مع البنت إنه هيحطلها طوبتين صغيرتين

في كيس مليان فلوس ................. طوبة بيضة و التانية سودا .............

و هيخيها تنقي بإيديها من الكيس ............

لو خدت السودا .....يتجوزها

لو خدت البيضة .......... مش يتجوزها .

البنت المسكينة وافقت من بين دموعها .............(( علي الأقل في أمل )) .

لكنها تجسست عليه و فوجئت بالمخادع بيحط طوبتين سود مش طوبة و طوبة ......!!!!!!

و قالها إختاري ......................

تعمل إيه البنت ؟؟؟؟

لو قالت للناس علي شافته ..........هيتعرف إنها كانت بتتجسس عليه ...........

لو طلعت طوبة سودا .....هتتجوزه ..........


دا طريق التفكير المباشر إللي كلنا بنفكر فيه أول حاجة .


هنا بقي إستخدمت تفكيرها الجانبي ...........


عملت نفسها بتطلع طوبة من الكيس و راحت موقعاها علي الأرض وسط باقي الطوب الصغير

هنا كان الراجل هيتجنن ...................

الناس إستغربوا و قالوله زعلان ليه ؟؟

خليها تسحب التانية و نشوف ..............و هتكون الأولي عكس إللي موجودة

و سحبت البنت الطوبة و هي بتضحك ......طلعت الطوبة سمرة ........يعني الأولي كانت بيضة

يعني البنت نجت من مصيدة العجوز الشرير .

شكل كتاب التفكير الجانبى دا جامد فعلا

مرسى دكتور احمد ومرسى على المثال دكتور غلاب

المثال تحفة بجد متشكرة جدا يا د/ غلاب
وشكرا يا د/ احمد على الموضوع ده بس يا ريت تكمل الستات
بعد اذنك لي سؤال:
القبعة بتاعة التفكير الابداعي مش المفروض تكون الاول علشان الحلول المبتكرة مهو مشبعد ما هحل المشكلة هدور تاني على حلول ؟
هو ليه بتاع القبعة الحمراء مش بيعرف انه لابسها وايه علاقة العواطف بانه يعرف او ميعرفش؟

emy كتب:

المثال تحفة بجد متشكرة جدا يا د/ غلاب
وشكرا يا د/ احمد على الموضوع ده بس يا ريت تكمل الستات
بعد اذنك لي سؤال:
القبعة بتاعة التفكير الابداعي مش المفروض تكون الاول علشان الحلول المبتكرة مهو مشبعد ما هحل المشكلة هدور تاني على حلول ؟
هو ليه بتاع القبعة الحمراء مش بيعرف انه لابسها وايه علاقة العواطف بانه يعرف او ميعرفش؟

شوفي الترتيب الي انا كاتبه دا افضل ترتيب ممكن تجربيه وبعدين قولي رايك فيه
القبعه الحمرا مهمه جدا بس مش لازم نلبسها لوقت طويل