منتدى لجنة طبيب المستقبل
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى لجنة طبيب المستقبل


 
الرئيسيةأحدث الصورالتسجيلدخول

 

 كيف تتكلم مع الناس

اذهب الى الأسفل 
+4
amany
eng_nancy
Nasoma
davinci
8 مشترك
كاتب الموضوعرسالة
davinci

davinci


عدد الرسائل : 295
العمر : 39
تاريخ التسجيل : 18/07/2007

كيف تتكلم مع الناس Empty
مُساهمةموضوع: كيف تتكلم مع الناس   كيف تتكلم مع الناس Icon_minitimeالأحد سبتمبر 02, 2007 5:38 pm

عنوان غريب مش كده؟؟

عمرك لقيت إنك مش عارف تتواصل مع حد معين؟؟ رغم إنك فعلا عايز تكلمه؟

لقيت مرة واحد مابتحبّش تتكلم معاه خالص؟؟ كده لله في لله؟؟

هل مرة لقيت إنك مش عارف تبيع سلعتك للزبون بتاعك رغم إنك حاولت بكل إخلاص؟
أكيد أيوه.. مش كده؟

طيب.. هنتكلم النهارده عن حاجة من الحاجات اللي هتفيدك في التواصل مع الناس بصورة أفضل.. والحاجة دي اسمها
(التحدث بإيجابية)

*********

في البداية عايز أوضح لك حاجة مهمة جدا عن عقلنا اللاواعي
هنعرفها من المثال الصغير ده
:
هاقول لك جملتين عايزك تركز فيهم قوي وتنفّذ اللي فيهم

ماتفكرش في وردة حمراء

ها ها ها.. ينفع؟ طيب خد دي كده

ماتتخيّلش سيارة سوداء

ها؟ خدت بالك من اللي حصل ده؟؟ أكيد أكيد فكرت لا إراديا في الوردة الحمراء وفي السيارة السوداء كمان

*********

إيه اللي حصل ده؟


اللي حصل يا جماعة إن العقل اللاواعي بتاعنا مابيسمعش الكلام قوي.. ببساطة بياخد الجملة ويقعد يفكر فيها كلمة كلمة عشان يقدر يستوعبها.. فعلشان تفهم الجملتين اللي فاتوا كان لازم العقل اللاواعي بتاعك يتخيل الوردة والسيارة السوداء

يعني إيه؟؟ يعني لو أنا عايز أأثر على العقل اللاواعي للشخص اللي باتكلم معاه, ومش عايزه يفكر في وردة حمراء.. يبقى لازم الجملة مايبقاش فيها وردة حمراء.. صح كده؟؟

*********

طبعا المسألة مش مسألة وردة حمراء وسيارة سوداء
عشان تفهم قصدي اقرا الأمثلة دي

البائع: الأسعار بتاعتنا مش غالية.. احنا مش حرامية ونصابين

الجملة دي غلط تماما وهتأثر في اللاشعور بتاع الزبون.. هيلاقي نفسه ببساطة (مش مستريح) للصفقة دي, ومش لازم يكون عارف ليه.. لكن احنا عارفين طبعا

جملة (مش غالية) دي هيركز اللاشعور على كلمة (غالية) لا إراديا.. والجملة التانية (احنا مش حرامية ونصابين) هيفهم منها إنهم (حرامية ونصابين).. ده أكيد

يبقى المفروض البائع يقول مثلا: أسعارنا مناسبة جداً.. احنا يهمنا ثقة العملاء

*********

نفهم من كده إيه؟؟

نفهم إن إنت لو عايز تأثر في اللي قدامك بحاجة, يبقى لازم تستخدم الكلمات الإيجابية المناسبة اللي تخلق جو من الراحة في نفسه.. زي (رائعة) و(ثقة) في المثال اللي فات... واهرب من الكلمات السلبية زي (غالية) و(حرامية ونصابين) حتى لو نفيتها.. زي ما عرفنا مع بعض

الطبيب: ماتخافش.. الحقنة مش بتوجع خالص

هه.. إيه رأيك في المثال ده؟؟

يلاّ مع بعض نطلع الكلمات السلبية
:
أول كلمة سلبية هي: (ماتخافش).. دي هتخليه يخاف أصلا لأننا ذكرنا الخوف
ثاني كلمة سلبية هي: (مش بتوجع).. دي هتخليه يتخيل الألم والوجع
يبقى المفروض يقولها ازاي؟؟

الطبيب: اطمئن.. هتحس براحة بعد ثواني

(ملاحظ إننا ماذكرناش كلمة "حقنة" أصلا؟)


*********

خدت بالك؟

ببساطة لأن هي دي الحقيقة, بس المهم هنوصلها له بأي طريقة؟

البنت لخطيبها: ماتقلقش يا حبيبي.. عمري ما هاخونك أو أكرهك

طبعا كلنا حسينا بصدمة من الكلام ده.. لكن احنا عرفنا ليه.. عشان الكلمات السلبية زي: ماتقلقش- هاخونك – أكرهك

المفروض الجملة دي تتقال كده
البنت لخطيبها: اطمئن يا حبيبي.. أنا مخلصة لحبنا وهافضل أحبك على طول

شايف الجمال اللي في المعنى؟؟ مع إننا ممكن نلاحظ ببساطة إن الجملتين لهم نفس المعنى

*********




نستفيد من الكلام ده إيه بقى؟؟

نخش على الحكمة بتاعة التهاردة
مهم جدا معنى الكلام الذي نقوله.. والأهم هو: كيف نقول هذا المعنى

استخدم كلمات إيجابية دائما في حياتك.. ولاحظ الفرق الذي سيحدث في علاقاتك مع الناس..واعرف الحقيقة دي.. الناس اللي بيستخدموا كلمات سلبية كتير في كلامهم, الناس بتبتعد عنهم ومش بتحب تتكلم معاهم.. افتكر حد مش بتحب تتكلم معاه.. يا ترى إيه السبب؟؟ بيشتكي دايما من الظروف؟ بيشتم كتير؟ بيثير الإحباط؟؟ ركز في كلامه هتلاقي الكلمات اللي قلنا عليها.. الكلمات السلبية

على عكس الناس اللي الناس بتحب تتكلم معاهم.. فكر في واحد بتحب تتكلم معاه وبتستمتع بكده.. مبتسم؟ متفائل؟ بيهوّن على الناس اللي حواليه مشاكل الحياة؟ ركز في كلامه هتلاقي الكلمات اللي بنقول عليها: الكلمات الإيجابية

*********

قبل ما نختم بقى تعالوا نلعب لعبة


اختار الجمل والكلمات الإيجابية اللي توصل المعنى بصورة صحيحة, وحط قدامها علامه: صح

أنا مش عبيط.. أنا فاهم كل حاجة
صح غلط

خليك ذكي وركز معايا
صح غلط

الجو النهارده كويس
صح غلط

ياباشا البضاعة بتاعتي مش بتعفن بسرعة
صح غلط

ماتقلقش.. الموضوع بسيط
صح غلط

هابطّل السجاير, واكون إنسان جديد
صح غلط

البارفان ده ريحته مش وحشة خالص.. بالعكس
صح غلط

ماتفتكرش إن صحتي راحت.. أنا زي الفل
صح غلط

مش هاخذلك يا معلّم
صح غلط

أنا إرادتي قوية جدا.. ثق في كده
صح غلط

ماتبقاش غبي يا بني.. فتّح مخك معايا
صح غلط

بحبك
صح غلط

طبعا حلّيت الواجب كله لوحدي..إنت فاكرني باكدب؟
صح غلط

*********

حلها بقى بروقان واعرف إنت بقيت متحدث إيجابي ولاّ لأ
مرّن نفسك من النهارده على إن كلامك يكون إيجابي.. ولاحظ الفرق اللي هيحصل في حياتك

ماشي يا جماعة.. حط بقى مرادفات (إيجابية) للجمل (السلبية) اللي فاتت لو حبيت.... وورينا شطارتك يا بطل




منقول
الرجوع الى أعلى الصفحة اذهب الى الأسفل
Nasoma

Nasoma


عدد الرسائل : 1343
العمر : 34
تاريخ التسجيل : 01/08/2007

كيف تتكلم مع الناس Empty
مُساهمةموضوع: رد: كيف تتكلم مع الناس   كيف تتكلم مع الناس Icon_minitimeالأحد سبتمبر 02, 2007 6:24 pm

قبل اى حاجه
ازيك يا د: احمد
شكرا على التوبيكات اللى حضرتك بتجيبها دائما و فعلا بحس ان انا بستفيد و بحاول اطبق الكلام ده فى
حياتى
*و جزاك الله خيرا و ربنا يوفقك فى امتحاناتك ...... مش انت بردو عندك امتحانات و لا ايه ؟؟


* بالنسبه للتوبيك بتاع النهارده هو فعلا العنوان بتاعه غريب بس لفت نظرى ...... لان تقريبا
التوبيك ده بيتكلم عن مشكله من بتوعى ....كنت دايما بسأل نفسى انا ليه كده؟؟ ....... يعنى ممكن تقول ان معظم المشاكل اللى موجوده اصلا بسبب الاسلوب و الكلام... بس حاسه انها هتفرق معايا بجد
لنهارده لسه مكلمتش حد من بعد ما قريته .. بس ادينى بكتب و شايفه الكلام اللى انا كتبته لحد دلوقتى لسه فيه كلمات سلبيه
بس ان شاء الله فى امل............... شكرا ع التوبيك

بالنسبه للتمرين:
هو ممكن ابقى ارجع تانى و اعمله على روقان بس عايزه اكتب دلوقتى كمحاوله و اشوف من وقت للتانى فى تغير معايا ولا لأ
* الجمل الايجابيه كانت قليله اللى هم :
-الجو النهارده كويس
- انا ارادتى قويه جدا .. ثق فى كده
- بحبك
* بالنسبه للكلمات الايجابيه :هوا فعلا فى كلمات ايجابيه بس لو اخدتها لوحدها .. بس هنا الكلام
السلبى اللى قبل الايجابى ده بيخليه هوا كمان سلبى
يا ريت لو فى اى تصحيح لكلامى قول ........ ادينى بستفيد
ربنا يوفقك
الرجوع الى أعلى الصفحة اذهب الى الأسفل
eng_nancy




عدد الرسائل : 545
العمر : 36
تاريخ التسجيل : 17/06/2007

كيف تتكلم مع الناس Empty
مُساهمةموضوع: رد: كيف تتكلم مع الناس   كيف تتكلم مع الناس Icon_minitimeالأحد سبتمبر 02, 2007 6:38 pm

davinci كتب:

اختار الجمل والكلمات الإيجابية اللي توصل المعنى بصورة صحيحة, وحط قدامها علامه: صح

أنا مش عبيط.. أنا فاهم كل حاجة
صح غلط

خليك ذكي وركز معايا
صح غلط

الجو النهارده كويس
صح غلط

ياباشا البضاعة بتاعتي مش بتعفن بسرعة
صح غلط

ماتقلقش.. الموضوع بسيط
صح غلط

هابطّل السجاير, واكون إنسان جديد
صح غلط

البارفان ده ريحته مش وحشة خالص.. بالعكس
صح غلط

ماتفتكرش إن صحتي راحت.. أنا زي الفل
صح غلط

مش هاخذلك يا معلّم
صح غلط

أنا إرادتي قوية جدا.. ثق في كده
صح غلط

ماتبقاش غبي يا بني.. فتّح مخك معايا
صح غلط

بحبك
صح غلط

طبعا حلّيت الواجب كله لوحدي..إنت فاكرني باكدب؟
صح غلط

*********

حلها بقى بروقان واعرف إنت بقيت متحدث إيجابي ولاّ لأ
مرّن نفسك من النهارده على إن كلامك يكون إيجابي.. ولاحظ الفرق اللي هيحصل في حياتك

ماشي يا جماعة.. حط بقى مرادفات (إيجابية) للجمل (السلبية) اللي فاتت لو حبيت.... وورينا شطارتك يا بطل




منقول
غلط أنا مدرك و فاهم كل حاجة
صح
صح
غلط با باشا البضاعة بتاعتنا بتعيش كتير
صح
صح
غلط البارفان ده ريحته حلوة
غلط أنا بكامل صحتى
غلط هرفع رأسك يا معلم
صح
غاط خليك ذكى
صح
غاط أنا حليت الواجب كله لوحدى
الرجوع الى أعلى الصفحة اذهب الى الأسفل
amany

amany


عدد الرسائل : 62
العمر : 34
Localisation : مكان زحمة
تاريخ التسجيل : 11/07/2007

كيف تتكلم مع الناس Empty
مُساهمةموضوع: رد: كيف تتكلم مع الناس   كيف تتكلم مع الناس Icon_minitimeالأحد سبتمبر 02, 2007 10:44 pm

شكرا على مجهودك يا دكتور عندك حق في كل كلامك
أنا مش عبيط مش بتعفن ماتقلقش.. البارفان ده ريحته مش وحشة خالص ماتفتكرش إن صحتي راحت
مش هاخذلك يا معلّم إنت فاكرني باكدب؟ماتبقاش غبي يا بني سلبي والباقي ايجابي
الرجوع الى أعلى الصفحة اذهب الى الأسفل
davinci

davinci


عدد الرسائل : 295
العمر : 39
تاريخ التسجيل : 18/07/2007

كيف تتكلم مع الناس Empty
مُساهمةموضوع: رد: كيف تتكلم مع الناس   كيف تتكلم مع الناس Icon_minitimeالثلاثاء سبتمبر 04, 2007 9:48 pm

nasoma كتب:
قبل اى حاجه
ازيك يا د: احمد
شكرا على التوبيكات اللى حضرتك بتجيبها دائما و فعلا بحس ان انا بستفيد و بحاول اطبق الكلام ده فى
حياتى
*و جزاك الله خيرا و ربنا يوفقك فى امتحاناتك ...... مش انت بردو عندك امتحانات و لا ايه ؟؟


* بالنسبه للتوبيك بتاع النهارده هو فعلا العنوان بتاعه غريب بس لفت نظرى ...... لان تقريبا
التوبيك ده بيتكلم عن مشكله من بتوعى ....كنت دايما بسأل نفسى انا ليه كده؟؟ ....... يعنى ممكن تقول ان معظم المشاكل اللى موجوده اصلا بسبب الاسلوب و الكلام... بس حاسه انها هتفرق معايا بجد
لنهارده لسه مكلمتش حد من بعد ما قريته .. بس ادينى بكتب و شايفه الكلام اللى انا كتبته لحد دلوقتى لسه فيه كلمات سلبيه
بس ان شاء الله فى امل............... شكرا ع التوبيك

بالنسبه للتمرين:
هو ممكن ابقى ارجع تانى و اعمله على روقان بس عايزه اكتب دلوقتى كمحاوله و اشوف من وقت للتانى فى تغير معايا ولا لأ
* الجمل الايجابيه كانت قليله اللى هم :
-الجو النهارده كويس
- انا ارادتى قويه جدا .. ثق فى كده
- بحبك
* بالنسبه للكلمات الايجابيه :هوا فعلا فى كلمات ايجابيه بس لو اخدتها لوحدها .. بس هنا الكلام
السلبى اللى قبل الايجابى ده بيخليه هوا كمان سلبى
يا ريت لو فى اى تصحيح لكلامى قول ........ ادينى بستفيد
ربنا يوفقك


شكرا يا nasoma ايوه انا عندي امتحانات ودملغي هتفرقع بس لازم الواحد يرفه عن نفسه شوية عشان ميكلمش نفسه بكره توصلوا سته وتعرفوا ادعولي ربنا يوفقنا ونعدي على خير

واتمنى ان الكلام الايجابي دا تبداي تطبقيه ف حياتك وعن نفسي اول مرة لما اتعلمت الطريقة الايجابية دي ف التفكير والكلام فرقت معايا جدا واتعلمت"مش المهم ايه الي بيحصلك المهم ازاي انت بتتفاعل معاه"

طبعا كان كلام صعب ف الاول لكن بعد كده بدات اطبقة ف حياتي مثلا
انت غبي يامحمد ...يامحمد مخك نضيف بس اهتم شويه
انا بكره الامتحانات...الامتحانات فرصة حلوة عشان تحس بمجهودك وتعبك
انا بكره طنطا جداا..انا ممكن اقابل ناس كويسه ف طنطا مكنش ممكن اتعرف عليهم ف مكان تاني
انا بتخنق من الكليه ...انا بحب الكلية لاني بتعرف فيها على اصحاب جداد واكتسب معلومات جديده
انا غبي ف الطب..انا محتاج اذاكر شوية ف الكليه عشان افهم احسن

ومن شروط الكلام الايجابي انه يكون "في المضارع" "مفهوش الزام" يعني مثلا انا هكون كويس مش صح
انا لازم اكون كويس مش صح ,انا كويس صح

اقتباس :


غلط أنا مدرك و فاهم كل حاجة
صح
صح
غلط با باشا البضاعة بتاعتنا بتعيش كتير
صح
صح
غلط البارفان ده ريحته حلوة
غلط أنا بكامل صحتى
غلط هرفع رأسك يا معلم
صح
غاط خليك ذكى
صح
غاط أنا حليت الواجب كله لوحدى

اولا شكراا على مرورك
ثانيا اجابات صحيحه "شكلك كده فهمتي"
ثالثا يارب الكلام دا ينفعك ف حياتك

اقتباس :



شكرا على مجهودك يا دكتور عندك حق في كل كلامك
أنا مش عبيط مش بتعفن ماتقلقش.. البارفان ده ريحته مش وحشة خالص ماتفتكرش إن صحتي راحت
مش هاخذلك يا معلّم إنت فاكرني باكدب؟ماتبقاش غبي يا بني سلبي والباقي ايجابي


لا شكر على واجب يا amany ويارب اكون افدتك
ياريت الكلام دا يكون له اثر ف حياتنا لاني عن تجربة شخصية فرق معايا كتير جدا
الرجوع الى أعلى الصفحة اذهب الى الأسفل
د.ايناس

د.ايناس


عدد الرسائل : 1385
العمر : 37
تاريخ التسجيل : 25/08/2007

كيف تتكلم مع الناس Empty
مُساهمةموضوع: رد: كيف تتكلم مع الناس   كيف تتكلم مع الناس Icon_minitimeالسبت سبتمبر 15, 2007 9:03 am

انا من زمان وانا بسمع عنها ونفسى اعرف عن التنميه البشريه بس بصراحة مكنش عندى صبر بس العنوان لفت نظرى وعجبنى جدا الكلام ويا ريت كلنا نطبقة فى حياتنا وشكلى كدة هتعرف عليها اكتر فى الايام اللى جايه
شكرا يا دكتور احمد جزاك الله كل خير وكل سنه وحضرتك طيب
الرجوع الى أعلى الصفحة اذهب الى الأسفل
dr_saratata

dr_saratata


عدد الرسائل : 2373
العمر : 34
Localisation : مش على الخريطه
تاريخ التسجيل : 22/07/2007

كيف تتكلم مع الناس Empty
مُساهمةموضوع: رد: كيف تتكلم مع الناس   كيف تتكلم مع الناس Icon_minitimeالسبت سبتمبر 15, 2007 11:45 pm

توبيك روعه كالعادة يا دكتور احمد وفدنى جدا خاصه انى مش بعرف اتكلم او اخد على الناس وفعلا لما معرفش اتكلم مع حد بكره و بقول انا هتجنبه ومش هتكلم معاه وده بيحصل مع زميلى كتير

توبيك جاى فى محله وخاصه ان بكره الكليه
الرجوع الى أعلى الصفحة اذهب الى الأسفل
davinci

davinci


عدد الرسائل : 295
العمر : 39
تاريخ التسجيل : 18/07/2007

كيف تتكلم مع الناس Empty
مُساهمةموضوع: رد: كيف تتكلم مع الناس   كيف تتكلم مع الناس Icon_minitimeالسبت سبتمبر 15, 2007 11:49 pm

انا كمان كنت كده تقريبا ياسارة
معرفش اتكلم مع حد خالص
لكن اتعلمت ازاي اولا اثق ف نفسي عن طريق معلوماتي او معارفي اوا نا ك"انا"
وبعدين اعرف الي قدامي بيفكر ازاي وليه اتكلم معاه
وبعدين تدريب مستمر ورغبة حقيقية ف النجاح وكسر القيود الي حاططها لنفسي لان اهم حاجة بتخلى الواحد ميتكلمش هو اعتقاداته السلبة بانه ملهش لازمة او انه جبان او انه مش بيفهم او..
الرجوع الى أعلى الصفحة اذهب الى الأسفل
ghallab55

ghallab55


عدد الرسائل : 2877
العمر : 37
Localisation : كفر الشيخ ( مش عارف بفاصلة و لا لأ )
تاريخ التسجيل : 28/03/2007

كيف تتكلم مع الناس Empty
مُساهمةموضوع: رد: كيف تتكلم مع الناس   كيف تتكلم مع الناس Icon_minitimeالأحد سبتمبر 16, 2007 1:09 am

أو فاشل أو ضعيف أو سيء الحظ .........

دي فعلا القواعد الذهبية للسلبية و الإنهزامية ......................

توبيك رائع جدا ..................

و فعلا أهم حاجة في الحديث مع الناس هي الثقة في النفس

يعني إعتبر نفسك واقف قدام مراية و أقعد إتدرب و قول .............

(( أنا قوي أنا ناجح أنا حسن الحظ و موهوب و شجاع ))

و متقولش .............

(( أنا لست فاشلا و لست ضعيف و لست سيء الحظ أو جبان ))


ملحوظة :

الناس أضعف مما تتصور .
الرجوع الى أعلى الصفحة اذهب الى الأسفل
davinci

davinci


عدد الرسائل : 295
العمر : 39
تاريخ التسجيل : 18/07/2007

كيف تتكلم مع الناس Empty
مُساهمةموضوع: رد: كيف تتكلم مع الناس   كيف تتكلم مع الناس Icon_minitimeالأحد سبتمبر 16, 2007 1:18 am

اقتباس :
ملحوظة :

الناس أضعف مما تتصور
الرجوع الى أعلى الصفحة اذهب الى الأسفل
rasha

rasha


عدد الرسائل : 4560
العمر : 38
تاريخ التسجيل : 08/07/2007

كيف تتكلم مع الناس Empty
مُساهمةموضوع: رد: كيف تتكلم مع الناس   كيف تتكلم مع الناس Icon_minitimeالجمعة سبتمبر 21, 2007 12:39 am

موضوع جميل اوى اوى يا دكتور و فعلا مؤثر فى حياتنا جدا و بجد كنت محتاجه التوبيك ده جداجداجدا و عاوز تدريب على الواقع (موضوعات حضرتك مفيده جداجدا و اختيارك فى مواضيعك واقعى و مؤثر بجد جزاك الله خيرا)
الرجوع الى أعلى الصفحة اذهب الى الأسفل
 
كيف تتكلم مع الناس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى لجنة طبيب المستقبل :: لجنة طبيب المستقبل :: ركن التطوير الشخصي-
انتقل الى: